Google Glyggekäller-Bligg

Vo Fasnächtler fir Fasnächtler

Als langjeerige Fasnächtler (17 Joor Oobmaa vo de Joker Waggis und syt 4 Joor Dambour bi de Basler Dybli) wott y alle Glygge d Meegligkait gää, vom aigene Glyggekäller e scheen Panoramafetteli oder e ganze Rundgang fir e glaine Batze aafeertige z loo. In de maischte Fäll wird s glainschte Päggli fir 175.- länge, ass dr Käller scheen zaigt wird. Fir Glygge mit eme greessere Käller, kenne nadyyrlig uff Wunsch au grad meereri Panos gmacht wäärde. Am Umfangryychschte isch nadyyrlig grad e ganzi Tour, wie de se im Byspiil vom Dybli-Käller kaasch gsee.

S Pano uff Google und in dr Källerabstiigs-App

In Zämmeaarbet mit dr Källerabstiigs-App wird grad an ere neue Version ummebaschtlet. Dooderbyy isch au grad druff gachtet woorde, dass die Panos eebefalls in dr App yybunde sinn. Dernääbe wäärde die Panos uff Google und Google-Maps veröffentligt.

Iber en Embed-Code ka denn jeedi Glygge iir Pano au grad uff dr aigene Websyte yybinde. Me wott jo zaige, dass me e scheene Käller sy aige kaa nenne.